ΚΕΦΑΛΑΙΟΝ ΙΖ'

Στίχ. 1-15. Ο Παύλος εις Θεσσαλονίκην, Βέροιαν καί Αθήνας.

Διοδεύσαντες δέ τήν Αμφίπολιν καί Απολλωνίαν ήλθον εις Θεσσαλονίκην, όπου ήν η συναγωγή τών Ιουδαίων. 
2 κατά δέ τό ειωθός τώ Παύλω εισήλθε πρός αυτούς, καί επί σάββατα τρία διελέγετο αυτοίς από τών γραφών, 
3 διανοίγων καί παρατιθέμενος ότι τόν Χριστόν έδει παθείν καί αναστήναι εκ νεκρών, καί ότι ούτός εστιν ο Χριστός, Ιησούς όν εγώ καταγγέλλω υμίν. 
4 καί τινες εξ αυτών επείσθησαν καί προσεκληρώθησαν τώ Παύλω καί τώ Σίλα, τών τε σεβομένων Ελλήνων πολύ πλήθος, γυναικών τε τών πρώτων ουκ ολίγαι. 
5 Προσλαβόμενοι δέ οι απειθούντες Ιουδαίοι τών αγοραίων τινάς άνδρας πονηρούς καί οχλοποιήσαντες εθορύβουν τήν πόλιν, επιστάντες τε τή οικία Ιάσονος εζήτουν αυτούς αγαγείν εις τόν δήμον 
6 μή ευρόντες δέ αυτούς έσυρον τόν Ιάσονα καί τινας αδελφούς επί τούς πολιτάρχας, βοώντες ότι οι τήν οικουμένην αναστατώσαντες ούτοι καί ενθάδε πάρεισιν, 
7 ούς υποδέδεκται Ιάσων καί ούτοι πάντες απέναντι τών δογμάτων Καίσαρος πράσσουσι, βασιλέα έτερον λέγοντες είναι, Ιησούν. 
8 ετάραξαν δέ τόν όχλον καί τούς πολιτάρχας ακούοντας ταύτα, 
9 καί λαβόντες τό ικανόν παρά τού Ιάσονος καί τών λοιπών απέλυσαν αυτούς. 
10 Οι δέ αδελφοί ευθέως διά τής νυκτός εξέπεμψαν τόν τε Παύλον καί τόν Σίλαν εις Βέροιαν, οίτινες παραγενόμενοι εις τήν συναγωγήν απήεσαν τών Ιουδαίων. 
11 ούτοι δέ ήσαν ευγενέστεροι τών Θεσσαλονίκη, οίτινες εδέξαντο τόν λόγον μετά πάσης προθυμίας, τό καθ' ημέραν ανακρίνοντες τάς γραφάς ει έχοι ταύτα ούτως. 
12 πολλοί μέν ούν εξ αυτών επίστευσαν, καί τών Ελληνίδων γυναικών τών ευσχημόνων καί ανδρών ουκ ολίγοι. 
13 Ως δέ έγνωσαν οι από τής Θεσσαλονίκης Ιουδαίοι ότι καί εν τή Βεροία κατηγγέλη υπό τού Παύλου ο λόγος τού Θεού, ήλθον κακεί σαλεύοντες τούς όχλους . 
14 ευθέως δέ τότε τόν Παύλον εξαπέστειλαν οι αδελφοί πορεύεσθαι ως επί τήν θάλασσαν υπέμενον δέ ό τε Σίλας καί ο Τιμόθεος εκεί. 
15 οι δέ καθιστώντες τόν Παύλον ήγαγον αυτόν έως Αθηνών, καί λαβόντες εντολήν πρός τόν Σίλαν καί Τιμόθεον ίνα ως τάχιστα έλθωσι πρός αυτόν, εξήεσαν.