Στίχ. 1-10. Η Ανάστασις τού Κυρίου

καί η εμφάνισις Αυτού εις τάς Μυροφόρους.

1 Οψέ δέ σαββάτων, τή επιφωσκούση εις μίαν σαββάτων, ήλθε Μαρία η Μαγδαληνή καί η άλλη Μαρία θεωρήσαι τόν τάφον.
2 καί ιδού σεισμός εγένετο μέγας άγγελος γάρ Κυρίου καταβάς εξ ουρανού προσελθών απεκύλισε τόν λίθον από τής θύρας καί εκάθητο επάνω αυτού.
3 ήν δέ η ιδέα αυτού ως αστραπή καί τό ένδυμα αυτού λευκόν ωσεί χιών.
4 από δέ τού φόβου αυτού εσείσθησαν οι τηρούντες καί εγένοντο ωσεί νεκροί.
5 αποκριθείς δέ ο άγγελος είπε ταίς γυναιξί μή φοβείσθε υμείς οίδα γάρ ότι Ιησούν τόν εσταυρωμένον ζητείτε
6 ουκ έστιν ώδε ηγέρθη γάρ καθώς είπε. δεύτε ίδετε τόν τόπον όπου έκειτο ο Κύριος.
7 καί ταχύ πορευθείσαι είπατε τοίς μαθηταίς αυτού ότι ηγέρθη από τών νεκρών, καί ιδού προάγει υμάς εις τήν Γαλιλαίαν εκεί αυτόν όψεσθε ιδού είπον υμίν.
8 καί εξελθούσαι ταχύ από τού μνημείου μετά φόβου καί χαράς μεγάλης έδραμον απαγγείλαι τοίς μαθηταίς αυτού.
9 ως δέ επορεύοντο απαγγείλαι τοίς μαθηταίς αυτού, καί ιδού Ιησούς απήντησεν αυταίς λέγων χαίρετε. αι δέ προσελθούσαι εκράτησαν αυτού τούς πόδας καί προσεκύνησαν αυτώ.
10 τότε λέγει αυταίς ο Ιησούς μή φοβείσθε υπάγετε απαγγείλατε τοίς αδελφοίς μου ίνα απέλθωσιν εις τήν Γαλιλαίαν, κακεί με όψονται.