ΚΕΦΑΛΑΙΟΝ Α'.

Αποκάλυψις Ιησού Χριστού, ήν έδωκεν αυτώ ο Θεός, δείξαι τοίς δούλοις αυτού ά δεί γενέσθαι εν τάχει, καί εσήμανεν αποστείλας διά τού αγγέλου αυτού τώ δούλω αυτού Ιωάννη,

2 ός εμαρτύρησε τόν λόγον τού Θεού καί τήν μαρτυρίαν Ιησού Χριστού, όσα είδε.

3 μακάριος ο αναγινώσκων καί οι ακούοντες τούς λόγους τής προφητείας καί τηρούντες τά εν αυτή γεγραμμένα ο γάρ καιρός εγγύς.

4 Ιωάννης ταίς επτά εκκλησίαις ταίς εν τή Ασία χάρις υμίν καί ειρήνη από Θεού, ο ών καί ο ήν καί ο ερχόμενος, καί από τών επτά πνευμάτων, ά ενώπιον τού θρόνου αυτού,

5 καί από Ιησού Χριστού, ο μάρτυς ο πιστός, ο πρωτότοκος τών νεκρών καί ο άρχων τών βασιλέων τής γής. τώ αγαπώντι ημάς καί λούσαντι ημάς από τών αμαρτιών ημών εν τώ αίματι αυτού,

6 καί εποίησεν ημάς βασιλείαν, ιερείς τώ Θεώ καί πατρί αυτού, αυτώ η δόξα καί τό κράτος εις τούς αιώνας τών αιώνων αμήν.

7 Ιδού έρχεται μετά τών νεφελών, καί όψεται αυτόν πάς οφθαλμός καί οίτινες αυτόν εξεκέντησαν, καί κόψονται επ' αυτόν πάσαι αι φυλαί τής γής. ναί, αμήν.

8 Εγώ ειμι τό Α καί τό Ω, λέγει Κύριος ο Θεός, ο ών καί ο ήν καί ο ερχόμενος, ο παντοκράτωρ.

9 Εγώ Ιωάννης, ο αδελφός υμών καί συγκοινωνός εν τή θλίψει καί βασιλεία καί υπομονή εν Ιησού Χριστώ, εγενόμην εν τή νήσω τή καλουμένη Πάτμω διά τόν λόγον τού Θεού καί διά τήν μαρτυρίαν Ιησού Χριστού.

10 εγενόμην εν πνεύματι εν τή Κυριακή ημέρα, καί ήκουσα φωνήν οπίσω μου μεγάλην ως σάλπιγγος

11 λεγούσης ό βλέπεις γράψον εις βιβλίον καί πέμψον ταίς επτά εκκλησίαις, εις Έφεσον καί εις Σμύρναν καί εις Πέργαμον καί εις Θυάτειρα καί εις Σάρδεις καί εις Φιλαδέλφειαν καί εις Λαοδίκειαν.

12 Καί εκεί επέστρεψα βλέπειν τήν φωνήν ήτις ελάλει μετ' εμού καί επιστρέψας είδον επτά λυχνίας χρυσάς,

13 καί εν μέσω τών επτά λυχνιών όμοιον υιώ ανθρώπου, ενδεδυμένον ποδήρη καί περιεζωσμένον πρός τοίς μαστοίς ζώνην χρυσήν

14 η δέ κεφαλή αυτού καί αι τρίχες λευκαί ως έριον λευκόν, ως χιών, καί οι οφθαλμοί αυτού ως φλόξ πυρός,

15 καί οι πόδες αυτού όμοιοι χαλκολιβάνω, ως εν καμίνω πεπυρωμένοι, καί η φωνή αυτού ως φωνή υδάτων πολλών,

16 καί έχων εν τή δεξιά χειρί αυτού αστέρας επτά, καί εκ τού στόματος αυτού ρομφαία δίστομος οξεία εκπορευομένη, καί η όψις αυτού ως ο ήλιος φαίνει εν τή δυνάμει αυτού.

17 Καί ότε είδον αυτόν, έπεσα πρός τούς πόδας αυτού ως νεκρός, καί έθηκε τήν δεξιάν αυτού χείρα επ' εμέ λέγων μή φοβού εγώ ειμι ο πρώτος καί ο έσχατος

18 καί ο ζών, καί εγενόμην νεκρός, καί ιδού ζών ειμι εις τούς αιώνας τών αιώνων, καί έχω τάς κλείς τού θανάτου καί τού άδου.

19 γράψον ούν ά είδες, καί ά εισι καί ά μέλλει γίνεσθαι μετά ταύτα

20 τό μυστήριον τών επτά αστέρων ών είδες επί τής δεξιάς μου, καί τάς επτά λυχνίας τάς χρυσάς. οι επτά αστέρες άγγελοι τών επτά εκκλησιών εισι, καί αι λυχνίαι αι επτά επτά εκκλησίαι εισίν.