ΚΕΦΑΛΑΙΟΝ ΙΔ'

Στίχ. 8-28. Θεραπεία τού χωλού. Λιθοβολισμός καί σωτηρία τού Παύλου.
Επιστροφή τών αποστόλων εις Αντιόχειαν. 

8 Καί τις ανήρ εν Λύστροις αδύνατος τοίς ποσίν εκάθητο, χωλός εκ κοιλίας μητρός αυτού υπάρχων, ός ουδέποτε περιεπεπατήκει. 
9 ούτος ήκουσε τού Παύλου λαλούντος ός ατενίσας αυτώ καί ιδών ότι πίστιν έχει τού σωθήναι, 
10 είπε μεγάλη τή φωνή ανάστηθι επί τούς πόδας σου ορθός. καί ήλατο καί περιεπάτει. 
11 οι δέ όχλοι ιδόντες ό εποίησεν ο Παύλος επήραν τήν φωνήν αυτών Λυκαονιστί λέγοντες οι θεοί ομοιωθέντες ανθρώποις κατέβησαν πρός ημάς 
12 εκάλουν τε τόν μέν βαρνάβαν Δία, τόν δέ Παύλον Ερμήν, επειδή αυτός ήν ο ηγούμενος τού λόγου. 
13 ο δέ ιερεύς τού Διός τού όντος πρό τής πόλεως αυτών, ταύρους καί στέμματα επί τούς πυλώνας ενέγκας, σύν τοίς όχλοις ήθελε θύειν. 
14 ακούσαντες δέ οι απόστολοι Βαρνάβας καί Παύλος, διαρρήξαντες τά ιμάτια αυτών εισεπήδησαν εις τόν όχλον κράζοντες 
15 καί λέγοντες άνδρες, τί ταύτα ποιείτε; καί ημείς ομοιοπαθείς εσμεν υμίν άνθρωποι, ευαγγελιζόμενοι υμάς από τούτων τών ματαίων επιστρέφειν επί τόν Θεόν τόν ζώντα, ός εποίησε τόν ουρανόν καί τήν γήν καί τήν θάλασσαν καί πάντα τά εν αυτοίς 
16 ός εν ταίς παρωχημέναις γενεαίς είασε πάντα τά έθνη πορεύεσθαι ταίς οδοίς αυτών 
17 καίτοι γε ουκ αμάρτυρον εαυτόν αφήκεν αγαθοποιών, ουρανόθεν υμίν υετούς διδούς καί καιρούς καρποφόρους, εμπιπλών τροφής καί ευφροσύνης τάς καρδίας υμών. 
18 καί ταύτα λέγοντες μόλις κατέπαυσαν τούς όχλους τού μή θύειν αυτοίς. 
19 Επήλθον δέ από Αντιοχείας καί Ικονίου Ιουδαίοι, καί πείσαντες τούς όχλους καί λιθάσαντες τόν Παύλον έσυραν έξω τής πόλεως, νομίσαντες αυτόν τεθνάναι. 
20 κυκλωσάντων δέ αυτόν τών μαθητών αναστάς εισήλθεν εις τήν πόλιν, καί τή επαύριον εξήλθε σύν τώ Βαρνάβα εις Δέρβην. 
21 ευαγγελισάμενοί τε τήν πόλιν εκείνην καί μαθητεύσαντες ικανούς υπέστρεψαν εις τήν Λύστραν καί Ικόνιον καί Αντιόχειαν, 
22 επιστηρίζοντες τάς ψυχάς τών μαθητών, παρακαλούντες εμμένειν τή πίστει, καί ότι διά πολλών θλίψεων δεί ημάς εισελθείν εις τήν βασιλείαν τού Θεού. 
23 χειροτονήσαντες δέ αυτοίς πρεσβυτέρους κατ' εκκλησίαν καί προσευξάμενοι μετά νηστειών παρέθεντο αυτούς τώ Κυρίω, εις όν πεπιστεύκασι. 
24 καί διελθόντες τήν Πισιδίαν ήλθον εις Παμφυλίαν, 
25 καί λαλήσαντες εν Πέργη τόν λόγον κατέβησαν εις Αττάλειαν, 
26 κακείθεν απέπλευσαν εις Αντιόχειαν, όθεν ήσαν παραδεδομένοι τή χάριτι τού Θεού εις τό έργον ό επλήρωσαν. 
27 Παραγενόμενοι δέ καί συναγαγόντες τήν εκκλησίαν ανήγγειλαν όσα εποίησεν ο Θεός μετ' αυτών, καί ότι ήνοιξε τοίς έθνεσι θύραν πίστεως. 
28 διέτριβον δέ εκεί χρόνον ουκ ολίγον σύν τοίς μαθηταίς.