ΚΕΦΑΛΑΙΟΝ ΚΓ'

Στίχ. 12-35. Συνωμοσία Ιουδαίων κατά τού Παύλου.
Αποστέλλεται εις τήν Καισάρειαν τής Παλαιστίνης. 

12 Γενομένης δέ ημέρας ποιήσαντές τινες τών Ιουδαίων συστροφήν ανεθεμάτισαν εαυτούς, λέγοντες μήτε φαγείν μήτε πιείν έως ού αποκτείνωσι τόν Παύλον. 
13 ήσαν δέ πλείους τεσσαράκοντα οι ταύτην τήν συνωμοσίαν πεποιηκότες 
14 οίτινες προσελθόντες τοίς αρχιερεύσι καί τοίς πρεσβυτέροις είπον αναθέματι αναθεματίσαμεν εαυτούς μηδενός γεύσασθαι έως ού αποκτείνωμεν τόν Παύλον. 
15 νύν ούν υμείς εμφανίσατε τώ χιλιάρχω σύν τώ συνεδρίω, όπως αύριον αυτόν καταγάγη πρός υμάς, ως μέλλοντας διαγινώσκειν ακριβέστερον τά περί αυτού ημείς δέ πρό τού εγγίσαι αυτόν έτοιμοί εσμεν τού ανελείν αυτόν. 
16 ακούσας δέ ο υιός τής αδελφής Παύλου τό ένεδρον, παραγενόμενος καί εισελθών εις τήν παρεμβολήν απήγγειλε τώ Παύλω. 
17 προσκαλεσάμενος δέ ο Παύλος ένα τών εκατοντάρχων έφη τόν νεανίαν τούτον απάγαγε πρός τόν χιλίαρχον έχει γάρ τι απαγγείλαι αυτώ. 
18 ο μέν ούν παραλαβών αυτόν ήγαγε πρός τόν χιλίαρχον καί φησίν ο δέσμιος Παύλος προσκαλεσάμενός με ηρώτησε τούτον τόν νεανίαν αγαγείν πρός σε, έχοντά τι λαλήσαί σοι. 
19 επιλαβόμενος δέ τής χειρός αυτού ο χιλίαρχος καί αναχωρήσας κατ' ιδίαν επυνθάνετο, τί εστιν ό έχεις απαγγείλαί μοι; 
20 είπε δέ ότι οι Ιουδαίοι συνέθεντο τού ερωτήσαί σε όπως αύριον εις τό συνέδριον καταγάγης τόν Παύλον, ως μελλόντων τι ακριβέστερον πυνθάνεσθαι περί αυτού. 
21 σύ ούν μή πεισθής αυτοίς ενεδρεύουσι γάρ αυτόν εξ αυτών άνδρες πλείους τεσσαράκοντα, οίτινες ανεθεμάτισαν εαυτούς μήτε φαγείν μήτε πιείν έως ού ανέλωσιν αυτόν, καί νύν έτοιμοί εισι προσδεχόμενοι τήν από σού επαγγελίαν. 
22 ο μέν ούν χιλίαρχος απέλυσε τόν νεανίαν, παραγγείλας μηδενί εκλαλήσαι ότι ταύτα ενεφάνισας πρός με. 
23 Καί προσκαλεσάμενος δύο τινάς τών εκατοντάρχων είπεν ετοιμάσατε στρατιώτας διακοσίους όπως πορευθώσιν έως Καισαρείας, καί ιππείς εβδομήκοντα καί δεξιολάβους διακοσίους, από τρίτης ώρας τής νυκτός, 
24 κτήνη τε παραστήσαι, ίνα επιβιβάσαντες τόν Παύλον διασώσωσι πρός Φήλικα τόν ηγεμόνα, 
25 γράψας επιστολήν περιέχουσαν τόν τύπον τούτον 
26 Κλαύδιος Λυσίας τώ κρατίστω ηγεμόνι Φήλικι χαίρειν. 
27 τόν άνδρα τούτον συλληφθέντα υπό τών Ιουδαίων καί μέλλοντα αναιρείσθαι υπ' αυτών επιστάς σύν τώ στρατεύματι εξειλόμην αυτόν, μαθών ότι Ρωμαίός εστι. 
28 βουλόμενος δέ γνώναι τήν αιτίαν δι' ήν ενεκάλουν αυτώ, κατήγαγον αυτόν εις τό συνέδριον αυτών 
29 όν εύρον εγκαλούμενον περί ζητημάτων τού νόμου αυτών, μηδέν δέ άξιον θανάτου ή δεσμών έγκλημα έχοντα. 
30 μηνυθείσης δέ μοι επιβουλής εις τόν άνδρα μέλλειν έσεσθαι υπό τών Ιουδαίων, εξαυτής έπεμψα πρός σε, παραγγείλας καί τοίς κατηγόροις λέγειν τά πρός αυτόν επί σού. έρρωσο. 
31 Οι μέν ούν στρατιώται κατά τό διατεταγμένον αυτοίς αναλαβόντες τόν Παύλον ήγαγον διά τής νυκτός εις τήν Αντιπατρίδα, 
32 τή δέ επαύριον εάσαντες τούς ιππείς πορεύεσθαι σύν αυτώ, υπέστρεψαν εις τήν παρεμβολήν 
33 οίτινες εισελθόντες εις τήν Καισάρειαν καί αναδόντες τήν επιστολήν τώ ηγεμόνι παρέστησαν καί τόν Παύλον αυτώ. 
34 αναγνούς δέ ο ηγεμών καί επερωτήσας εκ ποίας επαρχίας εστί, καί πυθόμενος ότι από Κιλικίας, 
35 διακούσομαί σου, έφη, όταν καί οι κατήγοροί σου παραγένωνται εκέλευσέ τε αυτόν εν τώ πραιτωρίω τού Ηρώδου φυλάσσεσθαι.