ΚΕΦΑΛΑΙΟΝ ΚΗ'

Στίχ. 1-16. Ο Παύλος εις Μελίτην καί εκείθεν εις Ρώμην. 

Καί διασωθέντες τότε επέγνωσαν ότι Μελίτη η νήσος καλείται. 
2 οι δέ βάρβαροι παρείχον ου τήν τυχούσαν φιλανθρωπίαν ημίν ανάψαντες γάρ πυράν προσελάβοντο πάντας ημάς διά τόν υετόν τόν εφεστώτα καί διά τό ψύχος. 
3 συστρέψαντος δέ τού Παύλου φρυγάνων πλήθος καί επιθέντος επί τήν πυράν, έχιδνα από τής θέρμης διεξελθούσα καθήψε τής χειρός αυτού. 
4 ως δέ είδον οι βάρβαροι κρεμάμενον τό θηρίον εκ τής χειρός αυτού, έλεγον πρός αλλήλους πάντως φονεύς εστιν ο άνθρωπος ούτος, όν διασωθέντα εκ τής θαλάσσης η Δίκη ζήν ουκ είασεν. 
5 ο μέν ούν αποτινάξας τό θηρίον εις τό πύρ έπαθεν ουδέν κακόν 
6 οι δέ προσεδόκων αυτόν μέλλειν πίμπρασθαι ή καταπίπτειν άφνω νεκρόν. επί πολύ δέ αυτών προσδοκώντων καί θεωρούντων μηδέν άτοπον εις αυτόν γινόμενον, μεταβαλλόμενοι έλεγον θεόν αυτόν είναι. 
7 Εν δέ τοίς περί τόν τόπον εκείνον υπήρχε χωρία τώ πρώτω τής νήσου ονόματι Ποπλίω, ός αναδεξάμενος ημάς τρείς ημέρας φιλοφρόνως εξένισεν. 
8 εγένετο δέ τόν πατέρα τού Ποπλίου πυρετοίς καί δυσεντερίω συνεχόμενον κατακείσθαι πρός όν ο Παύλος εισελθών καί προσευξάμενος καί επιθείς τάς χείρας αυτώ ιάσατο αυτόν. 
9 τούτου ούν γενομένου καί οι λοιποί οι έχοντες ασθενείας εν τή νήσω προσήρχοντο καί εθεραπεύοντο 
10 οί καί πολλαίς τιμαίς ετίμησαν ημάς καί αναγομένοις επέθεντο τά πρός τήν χρείαν. 
11 Μετά δέ τρείς μήνας ανήχθημεν εν πλοίω παρακεχειμακότι εν τή νήσω, Αλεξανδρίνω, παρασήμω Διοσκούροις, 
12 καί καταχθέντες εις Συρακούσας επεμείναμεν ημέρας τρείς 
­­­­­13 όθεν περιελθόντες κατηντήσαμεν εις Ρήγιον, καί μετά μίαν ημέραν επιγενομένου νότου δευτεραίοι ήλθομεν εις Ποτιόλους 
14 ού ευρόντες αδελφούς παρεκλήθημεν επ' αυτοίς επιμείναι ημέρες επτά, καί ούτως εις τήν Ρώμην ήλθομεν. 
15 κακείθεν οι αδελφοί ακούσαντες τά περί ημών εξήλθον εις απάντησιν ημίν άχρις Αππίου φόρου καί Τριών ταβερνών, ούς ιδών ο Παύλος ευχαριστήσας τώ Θεώ έλαβε θάρσος. 
16 Ότε δέ ήλθομεν εις Ρώμην, ο εκατοντάρχης παρέδωκε τούς δεσμίους τώ στρατοπεδάρχη τώ δέ Παύλω επετράπη μένειν καθ' εαυτόν σύν τώ φυλάσσοντι αυτόν στρατιώτη.