ΚΕΦΑΛΑΙΟΝ ΚΗ'

Στίχ. 17-31. Συνδιαλέξεις τού Παύλου μετά τών προκρίτων Ιουδαίων. 
Επί δύο έτη δέσμιος κηρύττει τόν Χριστόν. 

17 Εγένετο δέ μετά ημέρας τρείς συγκαλέσααθαι τόν Παύλον τούς όντας τών Ιουδαίων πρώτους συνελθόντων δέ αυτών έλεγε πρός αυτούς άνδρες αδελφοί, εγώ ουδέν εναντίον ποιήσας τώ λαώ ή τοίς έθεσι τοίς πατρώοις δέσμιος εξ Ιεροσολύμων παρεδόθην εις τάς χείρας τών Ρωμαίων 
18 οίτινες ανακρίναντές με εβούλοντο απολύσαι διά τό μηδεμίαν αιτίαν θανάτου υπάρχειν εν εμοί. 
19 αντιλεγόντων δέ τών Ιουδαίων ηναγκάσθην επικαλέσασθαι Καίσαρα, ουχ ως τού έθνους μου έχων τι κατηγορήσαι. 
20 διά ταύτην ούν τήν αιτίαν παρεκάλεσα υμάς ιδείν καί προσλαλήσαι ένεκεν γάρ τής ελπίδος τού Ισραήλ τήν άλυσιν ταύτην περίκειμαι. 
21 οι δέ πρός αυτόν είπον ημείς ούτε γράμματα περί σού εδεξάμεθα από τής Ιουδαίας, ούτε παραγενόμενός τις τών αδελφών απήγγειλεν ή ελάλησέ τι περί σού πονηρόν. 
22 αξιούμεν δέ παρά σού ακούσαι ά φρονείς περί μέν γάρ τής αιρέσεως ταύτης γνωστόν εστιν ημίν ότι πανταχού αντιλέγεται. 
23 Ταξάμενοι δέ αυτώ ημέραν ήκον πρός αυτόν εις τήν ξενίαν πλείονες, οίς εξετίθετο διαμαρτυρόμενος τήν βασιλείαν τού Θεού πείθων τε αυτούς τά περί τού Ιησού από τε νόμου Μωϋσέως καί τών προφητών από πρωΐ έως εσπέρας. 
24 καί οι μέν επείθοντο τοίς λεγομένοις, οι δέ ηπίστουν. 
25 ασύμφωνοι δέ όντες πρός αλλήλους απελύοντο, ειπόντος τού Παύλου ρήμα έν, ότι καλώς τό Πνεύμα τό Άγιον ελάλησε διά Ησαΐου τού προφήτου πρός τούς πατέρας ημών 
26 λέγον πορεύθητι πρός τόν λαόν τούτον καί είπον ακοή ακούσετε καί ου μή συνήτε, καί βλέποντες βλέψετε καί ου μή ίδητε 
27 επαχύνθη γάρ η καρδία τού λαού τούτου, καί τοίς ωσί βαρέως ήκουσαν, καί τούς οφθαλμούς αυτών εκάμμυσαν, μήποτε ίδωσι τοίς οφθαλμοίς καί τοίς ωσίν ακούσωσι καί τή καρδία συνώσι καί επιστρέψωσι, καί ιάσομαι αυτούς. 
28 γνωστόν ούν έστω υμίν ότι τοίς έθνεσιν απεστάλη τούτο τό σωτήριον τού Θεού, αυτοί καί ακούσονται. 
29 καί ταύτα αυτού ειπόντος απήλθον οι Ιουδαίοι πολλήν έχοντες εν εαυτοίς συζήτησιν. 
30 Έμεινε δέ ο Παύλος διετίαν όλην εν ιδίω μισθώματι καί απεδέχετο πάντας τούς εισπορευομένους πρός αυτόν, 
31 κηρύσσων τήν βασιλείαν τού Θεού καί διδάσκων τά περί τού Κυρίου Ιησού Χριστού μετά πάσης παρρησίας ακωλύτως.