ΚΕΦΑΛΑΙΟΝ Γ'.

Στίχ. 1-12 Ο Πρόδρομος Ιωάννης εις τήν έρημον.

1 Εν δέ ταίς ημέραις εκείναις παραγίνεται Ιωάννης ο βαπτιστής κηρύσσων εν τή ερήμω τής Ιουδαίας
2 καί λέγων μετανοείτε ήγγικε γάρ η βασιλεία τών ουρανών.
3 ούτος γάρ εστιν ο ρηθείς υπό Ησαϊου τού προφήτου λέγοντος φωνή βοώντος εν τή ερήμω, ετοιμάσατε τήν οδόν Κυρίου, ευθείας ποιείτε τάς τρίβους αυτού.
4 Αυτός δέ ο Ιωάννης είχε τό ένδυμα αυτού από τριχών καμήλου καί ζώνην δερματίνην περί τήν οσφύν αυτού, η δέ τροφή αυτού ήν ακρίδες καί μέλι άγριον.
5 Τότε εξεπορεύετο πρός αυτόν Ιεροσόλυμα καί πάσα η Ιουδαία καί πάσα η περίχωρος τού Ιορδάνου,
6 καί εβαπτίζοντο εν τώ Ιορδάνη υπ' αυτού εξομολογούμενοι τάς αμαρτίας αυτών.
7 ιδών δέ πολλούς τών Φαρισαίων καί Σαδδουκαίων ερχομένους επί τό βάπτισμα αυτού είπεν αυτοίς γεννήματα εχιδνών, τίς υπέδειξεν υμίν φυγείν από τής μελλούσης οργής;
8 ποιήσατε ούν καρπόν άξιον τής μετανοίας,
9 καί μή δόξητε λέγειν εν εαυτοίς, πατέρα έχομεν τόν Αβραάμ λέγω γάρ υμίν ότι δύναται ο Θεός εκ τών λίθων τούτων εγείραι τέκνα τώ Αβραάμ.
10 ήδη δέ καί η αξίνη πρός τήν ρίζαν τών δένδρον κείται πάν ούν δένδρον μή ποιούν καρπόν καλόν εκκόπτεται καί εις πύρ βάλλεται.
11 εγώ μέν βαπτίζω υμάς εν ύδατι εις μετάνοιαν ο δέ οπίσω μου ερχόμενος ισχυρότερός μού εστιν, ού ουκ ειμί ικανός τά υποδήματα βαστάσαι αυτός υμάς βαπτίσει εν Πνεύματι Αγίω καί πυρί.
12 ού τό πτύον εν τή χειρί αυτού καί διακαθαριεί τήν άλωνα αυτού, καί συνάξει τόν σίτον αυτού εις τήν αποθήκην, τό δέ άχυρον κατακαύσει πυρί ασβέστω.