ΚΕΦΑΛΑΙΟΝ ΙΔ'.

Στίχ. 1-12. Η αποκεφάλισις τού Βαπτιστού.

1 Εν εκείνω τώ καιρώ ήκουσεν Ηρώδης ο τετράρχης τήν ακοήν Ιησού
2 καί είπε τοίς παισίν αυτού ούτος εστιν Ιωάννης ο βαπτιστής αυτός ηγέρθη από τών νεκρών, καί διά τούτο αι δυνάμεις ενεργούσιν εν αυτώ.
3 ο γάρ Ηρώδης κρατήσας τόν Ιωάννην έδησεν αυτόν καί έθετο εν φυλακή διά Ηρωδιάδα τήν γυναίκα Φιλίπου τού αδελφού αυτού.
4 έλεγε γάρ αυτώ ο Ιωάννης ουκ έξεστί σοι έχειν αυτήν.
5 καί θέλων αυτόν αποκτείναι εφοβήθη τόν όχλον, ότι ως προφήτην αυτόν είχον.
6 γενεσίων δέ αγομένων τού Ηρώδου ωρχήσατο η θυγάτηρ τής Ηρωδιάδος εν τώ μέσω καί ήρεσε τώ Ηρώδη
7 όθεν μεθ' όρκου ωμολόγησεν αυτή δούναι ό εάν αιτήσηται.
8 η δέ, προβιβασθείσα υπό τής μητρός αυτής, δός μοι, φησίν, ώδε επί πίνακι τήν κεφαλήν Ιωάννου τού βαπτιστού.
9 καί ελυπήθη ο βασιλεύς, διά δέ τούς όρκους καί τούς συνανακειμένους εκέλευσε δοθήναι,
10 καί πέμψας απεκεφάλισε τόν Ιωάννην εν τή φυλακή.
11 καί ηνέχθη η κεφαλή αυτού επί πίνακι καί εδόθη τώ κορασίω, καί ήνεγκε τή μητρί αυτής.
12 καί προσελθόντες οι μαθηταί αυτού ήραν τό σώμα καί έθαψαν αυτό, καί ελθόντες απήγγειλαν τώ Ιησού.