Στίχ. 15-46. Αι πονηραί ερωτήσεις τών Φαρισαίων καί αι θαυμασταί
αποκρίσεις τού Κυρίου.

15 Τότε πορευθέντες οι Φαρισαίοι συμβούλιον έλαβον όπως αυτόν παγιδεύσωσιν εν λόγω.
16 καί αποστέλλουσιν αυτώ τούς μαθητάς αυτών μετά τών Ηρωδιανών λέγοντες διδάσκαλε, οίδαμεν ότι αληθής εί καί τήν οδόν τού Θεού εν αληθεία διδάσκεις, καί ου μέλει σοι περί ουδενός ου γάρ βλέπεις εις πρόσωπον ανθρώπων
17 ειπέ ούν ημίν, τί σοι δοκεί; έξεστι δούναι κήνσον Καίσαρι ή ού;
18 γνούς δέ ο Ιησούς τήν πονηρίαν αυτών είπε τί με πειράζετε, υποκριταί;
19 επιδείξατέ μοι τό νόμισμα τού κήνσου. οι δέ προσήνεγκαν αυτώ δηνάριον.
20 καί λέγει αυτοίς τίνος η εικών αύτη καί η επιγραφή;
21 λέγουσιν αυτώ Καίσαρος τότε λέγει αυτοίς απόδοτε ούν τά Καίσαρος Καίσαρι καί τά τού Θεού τώ Θεώ.
22 καί ακούσαντες εθαύμασαν, καί αφέντες αυτόν απήλθον.
23 Εν εκείνη τή ημέρα προσήλθον αυτώ Σαδδουκαίοι, οι λέγοντες μή είναι ανάστασιν, καί επηρώτησαν αυτόν
24 λέγοντες διδάσκαλε, Μωσής είπεν, εάν τις αποθάνη μή έχων τέκνα, επιγαμβρεύσει ο αδελφός αυτού τήν γυναίκα αυτού καί αναστήσει σπέρμα τώ αδελφώ αυτού.
25 ήσαν δέ παρ' ημίν επτά αδελφοί καί ο πρώτος γαμήσας ετελεύτησε, καί μή έχων σπέρμα αφήκε τήν γυναίκα αυτού τώ αδελφώ αυτού
26 ομοίως καί ο δεύτερος καί ο τρίτος, έως τών επτά.
27 ύστερον δέ πάντων απέθανε καί η γυνή.
28 εν τή ούν αναστάσει τίνος τών επτά έσται η γυνή; πάντες γάρ έσχον αυτήν.
29 αποκριθείς δέ ο Ιησούς είπεν αυτοίς πλανάσθε μή ειδότες τάς γραφάς μηδέ τήν δύναμιν τού Θεού.
30 εν γάρ τή αναστάσει ούτε γαμούσιν ούτε εκγαμίζονται, αλλ' ως άγγελοι Θεού εν ουρανώ εισι.
31 περί δέ τής αναστάσεως τών νεκρών ουκ ανέγνωτε τό ρηθέν υμίν υπό τού Θεού λέγοντος
32 εγώ ειμι ο Θεός Αβραάμ καί Θεός Ισαάκ καί ο Θεός Ιακώβ; ουκ έστιν ο Θεός Θεός νεκρών, αλλά ζώντων.
33 καί ακούσαντες οι όχλοι εξεπλήσσοντο επί τή διδαχή αυτού.
34 Οι δέ Φαρισαίοι ακούσαντες ότι εφίμωσε τούς Σαδδουκαίους, συνήχθησαν επί τό αυτό,
35 καί επηρώτησεν είς εξ αυτών, νομικός, πειράζων αυτόν καί λέγων
36 διδάσκαλε, ποία εντολή μεγάλη εν τώ νόμω;
37 ο δέ Ιησούς έφη αυτώ αγαπήσεις Κύριον τόν Θεόν σου εν όλη τή καρδία σου καί εν όλη τή ψυχή σου καί εν όλη τή διανοία σου.
38 αύτη εστί πρώτη καί μεγάλη εντολή.
39 δευτέρα δέ ομοία αυτή αγαπήσεις τόν πλησίον σου ως σεαυτόν.
40 εν ταύταις ταίς δυσίν εντολαίς όλος ο νόμος καί οι προφήται κρέμανται.
41 Συνηγμένων δέ τών Φαρισαίων επηρώτησεν αυτούς ο Ιησούς
42 λέγων τί υμίν δοκεί περί τού Χριστού; τίνος υιός εστι; λέγουσιν αυτώ τού Δαυϊδ.
43 λέγει αυτοίς πώς ούν Δαυϊδ εν Πνεύματι Κύριον αυτόν καλεί λέγων,
44 είπεν ο Κύριος τώ Κυρίω μου, κάθου εκ δεξιών μου έως άν θώ τούς εχθρούς σου υποπόδιον τών ποδών σου;
45 ει ούν Δαυϊδ καλεί αυτόν Κύριον, πώς υιός αυτού εστι;
46 καί ουδείς εδύνατο αυτώ αποκριθήναι λόγον, ουδέ ετόλμησέ τις απ' εκείνης τής ημέρας επερωτήσαι αυτόν ουκέτι.