ΚΑΦΑΛΑΙΟΝ ΚΒ'.

Στίχ. 1-14. Η παραβολή τών βασιλικών γάμων.

1 Καί αποκριθείς ο Ιησούς πάλιν είπεν αυτοίς εν παραβολαίς λέγων
2 ωμοιώθη η βασιλεία τών ουρανών ανθρώπω βασιλεί, όστις εποίησε γάμους τώ υιώ αυτού.
3 καί απέστειλε τούς δούλους αυτού καλέσαι τούς κεκλημένους εις τούς γάμους, καί ουκ ήθελον ελθείν.
4 πάλιν απέστειλεν άλλους δούλους λέγων είπατε τοίς κακλημένοις ιδού τό άριστόν μου ητοίμασα, οι ταύροί μου καί τά σιτιστά τεθυμένα, καί πάντα έτοιμα δεύτε εις τούς γάμους.
5 οι δέ αμελήσαντες απήλθον, ο μέν εις τόν ίδιον αγρόν, ο δέ εις τήν εμπορίαν αυτού
6 οι δέ λοιποί κρατήσαντες τούς δούλους αυτού ύβρισαν καί απέκτειναν.
7 ακούσας δέ ο βασιλεύς εκείνος ωργίσθη, καί πέμψας τά στρατεύματα αυτού απώλεσε τούς φονείς εκείνους καί τήν πόλιν αυτών ενέπρησε.
8 τότε λέγει τοίς δούλοις αυτού ο μέν γάμος έτοιμός εστιν, οι δέ κεκλημένοι ουκ ήσαν άξιοι
9 πορεύεσθε ούν επί τάς διεξόδους τών οδών, καί όσους εάν εύρητε καλέσατε εις τούς γάμους.
10 καί εξελθόντες οι δούλοι εκείνοι εις τάς οδούς συνήγαγον πάντας όσους εύρον, πονηρούς τε καί αγαθούς καί επλήσθη ο γάμος ανακειμένων.
11 εισελθών δέ ο βασιλεύς θεάσασθαι τούς ανακειμένους είδεν εκεί άνθρωπον ουκ ενδεδυμένον ένδυμα γάμου,
12 καί λέγει αυτώ εταίρε, πώς εισήλθες ώδε μή έχων ένδυμα γάμου; ο δέ εφιμώθη.
13 τότε είπεν ο βασιλεύς τοίς διακόνοις δήσαντες αυτού πόδας καί χείρας άρατε αυτόν καί εκβάλετε εις τό σκότος τό εξώτερον εκεί έσται ο κλαυθμός καί ο βρυγμός τών οδόντων.
14 πολλοί γάρ εισι κλητοί, ολίγοι δέ εκλεκτοί.