ΚΕΦΑΛΑΙΟΝ ΙΗ'

Στίχ. 1-17. Ο Παύλος εις Κόρινθον. Ενώπιον τού Γαλλίωνος. 

Μετά δέ ταύτα χωρισθείς ο Παύλος εκ τών Αθηνών ήλθεν εις Κόρινθον 
2 καί ευρών τινα Ιουδαίον ονόματι Ακύλαν, Ποντικόν τώ γένει, προσφάτως εληλυθότα από τής Ιταλίας, καί Πρίσκιλλαν γυναίκα αυτού, διά τό διατεταχέναι Κλαύδιον χωρίζεσθαι πάντας τούς Ιουδαίους από τής Ρώμης, προσήλθεν αυτοίς, 
3 καί διά τό ομότεχνον είναι έμεινε παρ' αυτοίς καί ειργάζετο ήσαν γάρ σκηνοποιοί τή τέχνη. 
4 διελέγετο δέ εν τή συναγωγή κατά πάν σάββατον, έπειθέ τε Ιουδαίους καί Έλληνας. 
5 Ως δέ κατήλθον από τής Μακεδονίας ό τε Σίλας καί Τιμόθεος, συνείχετο τώ πνεύματι ο Παύλος διαμαρτυρόμενος τοίς Ιουδαίοις τόν Χριστόν Ιησούν. 
6 αντιτασσομένων δέ αυτών καί βλασφημούντων εκτιναξάμενος τά ιμάτια είπε πρός αυτούς τό αίμα υμών επί τήν κεφαλήν υμών καθαρός εγώ από τού νύν εις τά έθνη πορεύσομαι. 
7 καί μεταβάς εκείθεν ήλθεν εις οικίαν τινός ονόματι Ιούστου, σεβομένου τόν Θεόν, ού η οικία ήν συνομορούσα τή συναγωγή. 
8 Κρίσπος δέ ο αρχισυνάγωγος επίστευσε τώ Κυρίω σύν όλω τώ οίκω αυτού, καί πολλοί τών Κορινθίων ακούοντες επίστευον καί εβαπτίζοντο. 
9 Είπε δέ ο Κύριος δι' οράματος εν νυκτί τώ Παύλω μή φοβού, αλλά λάλει καί μή σιωπήσης, 
10 διότι εγώ ειμι μετά σού, καί ουδείς επιθήσεταί σοι τού κακώσαί σε, διότι λαός εστί μοι πολύς εν τή πόλει ταύτη. 
11 εκάθισέ τε ενιαυτόν καί μήνας έξ διδάσκων εν αυτοίς τόν λόγον τού Θεού. 
12 Γαλλίωνος δέ ανθυπατεύοντος τής Αχαΐας κατεπέστησαν ομοθυμαδόν οι Ιουδαίοι τώ Παύλω καί ήγαγον αυτόν επί τό βήμα, 
13 λέγοντες ότι παρά τόν νόμον ούτος αναπείθει τούς ανθρώπους σέβεσθαι τόν Θεόν. 
14 μέλλοντος δέ τού Παύλου ανοίγειν τό στόμα είπεν ο Γαλλίων πρός τούς Ιουδαίους ει μέν ούν ήν αδίκημά τι ή ραδιούργημα πονηρόν, ώ Ιουδαίοι, κατά λόγον άν ηνεσχόμην υμών 
15 ει δέ ζήτημά εστι περί λόγου καί ονομάτων καί νόμου τού καθ' υμάς, όψεσθε αυτοί κριτής γάρ εγώ τούτων ου βούλομαι είναι. 
16 καί απήλασεν αυτούς από τού βήματος. 
17 επιλαβόμενοι δέ πάντες οι Έλληνες Σωσθένην τόν αρχισυνάγωγον έτυπτον έμπροσθεν τού βήματος καί ουδέν τούτων τώ Γαλλίωνι έμελεν.