ΚΕΦΑΛΑΙΟΝ Ι'

Στίχ. 1-31. Οι δώδεκα μαθηταί, τό έργον καί η εξουσία των.

1 Καί προσκαλεσάμενος τούς δώδεκα μαθητάς αυτού έδωκεν αυτοίς εξουσίαν πνευμάτων ακαθάρτων θεραπεύειν πάσαν νόσον καί πάσαν μαλακίαν.
2 Τών δέ δώδεκα αποστόλων τά ονόματά εισι ταύτα πρώτος Σίμων ο λεγόμενος Πέτρος καί Ανδρέας ο αδελφός αυτού, Ιάκωβος ο τού Ζεβεδαίου καί Ιωάννης ο αδελφός αυτού,
3 Φίλιππος καί Βαρθολομαίος, Θωμάς καί Ματθαίος ο τελώνης, Ιάκωβος ο τού Αλφαίου καί Λεββαίος ο επικληθείς Θαδσαίος,
4 Σίμων ο Κανανίτης καί Ιούδας ο Ισκαριώτης ο καί παραδούς αυτόν.
5 Τούτους τούς δώδεκα απέστειλεν ο Ιησούς παραγγείλας αυτοίς λέγων εις οδόν εθνών μή απέλθητε καί εις πόλιν Σαμαρειτών μή εισέλθητε
6 πορεύεσθε δέ μάλλον πρός τά πρόβατα τά απολωλότα οίκου Ισραήλ.
7 πορευόμενοι δέ κηρύσσετε λέγοντες ότι ήγγικεν η βασιλεία τών ουρανών.
8 ασθενούντας θεραπεύετε, λεπρούς καθαρίζετε, νεκρούς εγείρετε, δαιμόνια εκβάλλετε δωρεάν ελάβετε, δωρεάν δότε.
9 μή κτήσησθε χρυσόν μηδέ άργυρον μηδέ χαλκόν εις τάς ζώνας υμών,
10 μή πήραν εις οδόν μηδέ δύο χιτώνας μηδέ υποδήματα μηδέ ράβδον άξιος γάρ εστιν ο εργάτης τής τροφής αυτού.
11 εις ήν δ' άν πόλιν ή κώμην εισέλθητε, εξετάσατε τίς εν αυτή άξιός εστι, κακεί μείνατε έως άν εξέλθητε.
12 εισερχόμενοι δέ εις τήν οικίαν ασπάσασθε αυτήν λέγοντες ειρήνη τώ οίκω τούτω.
13 καί εάν μέν ή η οικία αξία, ελθέτω η ειρήνη υμών επ' αυτήν εάν δέ μή ή αξία, η ειρήνη υμών πρός υμάς επιστραφήτω.
14 καί ός εάν μή δέξηται υμάς μηδέ ακούση τούς λόγους υμών, εξερχόμενοι έξω τής οικίας ή τής πόλεως εκείνης εκτινάξατε τόν κονιορτόν τών ποδών υμών.
15 αμήν λέγω υμίν, ανεκτότερον έσται γή Σοδόμων καί Γομόρρας εν ημέρα κρίσεως ή τή πόλει εκείνη.
16 Ιδού εγώ αποστέλλω υμάς ως πρόβατα εν μέσω λύκων γίνεσθε ούν φρόνιμοι ως οι όφεις καί ανέραιοι ως αι περιστεραί.
17 Προσέχετε δέ από τών ανθρώπων παραδώσουσι γάρ υμάς εις συνέδρια καί εν ταίς συναγωγαίς αυτών μαστιγώσουσιν υμάς
18 καί επί ηγεμόνας δέ καί βασιλείς αχθήσεσθε ένεκεν εμού εις μαρτύριον αυτοίς καί τοίς έθνεσιν.
19 όταν δέ παραδώσουσιν υμάς, μή μεριμνήσητε πώς ή τί λαλήσετε δοθήσεται γάρ υμίν εν εκείνη τή ώρα τί λαλήσετε.
20 ου γάρ υμείς εστε οι λαλούντες, αλλά τό Πνεύμα τού πατρός υμών τό λαλούν εν υμίν.
21 Παραδώσει δέ αδελφός αδελφόν εις θάνατον καί πατήρ τέκνον, καί επαναστήσονται τέκνα επί γονείς καί θανατώσουσιν αυτούς
22 καί έσεσθε μισούμενοι υπό πάντων διά τό όνομά μου ο δέ υπομείνας εις τέλος, ούτος σωθήσεται.
23 όταν δέ διώκωσιν υμάς εν τή πόλει ταύτη, φεύγετε εις τήν άλλην αμήν γάρ λέγω υμίν, ου μή τελέσητε τάς πόλεις τού Ισραήλ έως άν έλθη ο υιός τού ανθρώπου.
24 Ουκ έστι μαθητής υπέρ τόν διδάσκαλον ουδέ δούλος υπέρ τόν κύριον αυτού.
25 αρκετόν τώ μαθητή ίνα γένηται ως ο διδάσκαλος αυτού, καί τώ δούλω ως ο κύριος αυτού ει τόν οικοδεσπότην Βεελζεβούλ εκάλεσαν, πόσω μάλλον τούς οικιακούς αυτού;
26 μή ούν φοβηθήτε αυτούς ουδέν γάρ εστι κεκαλυμμένον ό ουκ αποκαλυφθήσεται, καί κρυπτόν ό ου γνωσθήσεται.
27 ό λέγω υμίν εν τή σκοτία, είπατε εν τώ φωτί, καί ό εις τό ούς ακούετε, κηρύξατε επί τών δωμάτων.
28 καί μή φοβηθήτε από τών αποκτεννόντων τό σώμα, τήν δέ ψυχήν μή δυναμένων αποκτείναι φοβήθητε δέ μάλλον τόν δυνάμενον καί ψυχήν καί σώμα απολέσαι εν γεέννη.
29 ουχί δύο στρουθία ασσαρίου πωλείται; καί έν εξ αυτών ου πεσείται επί τήν γήν άνευ τού πατρός υμών.
30 υμών δέ καί αι τρίχες τής κεφαλής πάσαι ηριθμημέναι εισί.
31 μή ούν φοβηθήτε πολλών στρουθίων διαφέρετε υμείς.