ΚΕΦΑΛΑΙΟΝ ΙΑ'

Στίχ. 1-15. Τό μεγαλείον Ιωάννου τού Βαπτιστού.

1 Καί εγένετο ότε ετέλεσεν ο Ιησούς διατάσων τοίς δώδεκα μαθηταίς αυτού μετέβη εκείθεν τού διδάσκειν καί κηρύσσειν εν ταίς πόλεσιν αυτών.
2 Ο δέ Ιωάννης ακούσας εν τώ δεσμωτηρίω τά έργα τού Χριστού, πένψας δύο τών μαθητών αυτού
3 είπεν αυτώ σύ εί ο ερχόμενος ή έτερον προσδοκώμεν;
4 καί αποκριθείς ο Ιησούς είπεν αυτοίς πορευθέντες απαγγείλατε Ιωάννη ά ακούετε καί βλέπετε
5 τυφλοί αναβλέπουσι καί χωλοί περιπατούσι, λεπροί καθαρίζονται καί κωφοί ακούουσι, νεκροί εγείρονται καί πτωχοί ευαγγελίζονται
6 καί μακάριός εστι ός εάν μή σκανδαλισθή εν εμοί.
7 Τούτων δέ πορευομένων ήρξατο ο Ιησούς λέγειν τοίς όχλοις περί Ιωάννου τί εξήλθετε εις τήν έρημον θεάσασθαι; κάλαμον υπό ανέμου σαλευόμενον;
8 αλλά τί εξήλθετε ιδείν; άνθρωπον εν μαλακοίς ιματίοις ημφιεσμένον; ιδού οι τά μαλακά φορούντες εν τοίς οίκοις τών βασιλέων εισίν.
9 αλλά τί εξήλθετε ιδείν; προφήτην; ναί λέγω υμίν, καί περισσότερον προφήτου.
10 ούτος γάρ εστι περί ού γέγραπται ιδού εγώ αποστέλλω τόν άγγελόν μου πρό προσώπου σου, ός κατασκευάσει τήν οδόν σου έμπροσθέν σου.
11 αμήν λέγω υμίν, ουκ εγήγερται εν γεννητοίς γυναικών μείζων Ιωάννου τού βαπτιστού ο δέ μικρότερος εν τή βασιλεία τών ουρανών μείζων αυτού εστιν.
12 από δέ τών ημερών Ιωάννου τού βαπτιστού έως άρτι η βασιλεία τών ουρανών βιάζεται, καί βιασταί αρπάζουσιν αυτήν.
13 πάντες γάρ οι προφήται καί ο νόμος έως Ιωάννου προεφήτευσαν
14 καί ει θέλετε δέξασθαι, αυτός εστιν Ηλίας ο μέλλων έρχεσθαι.
15 ο έχων ώτα ακούειν ακουέτω.