Στίχ. 21-28. Προαναγγελία τού Πάθους.

21 Από τότε ήρξατο ο Ιησούς δεικνύειν τοίς μαθηταίς αυτού ότι δεί αυτόν απελθείν εις Ιεροσόλυμα καί πολλά παθείν από τών πρεσβυτέρων καί αρχιερέων καί γραμματέων καί αποκτανθήναι, καί τή τρίτη ημέρα εγερθήναι.
22 καί προσλαβόμενος αυτόν ο Πέτρος ήρξατο επιτιμάν αυτώ λέγων ίλεώς σοι, Κύριε ου μή έσται σοι τούτο.
23 ο δέ στραφείς είπε τώ Πέτρω ύπαγε οπίσω μου, σατανά σκάνδαλόν μου εί ότι ου φρονείς τά τού Θεού, αλλά τά τών ανθρώπων.
24 Τότε ο Ιησούς είπε τοίς μαθηταίς αυτού εί τις θέλει οπίσω μου ελθείν, απαρνησάσθω εαυτόν καί αράτω τόν σταυρόν αυτού καί ακολουθείτω μοι.
25 ός γάρ άν θέλη τήν ψυχήν αυτού σώσαι, απολέσει αυτήν ός δ' άν απολέση τήν ψυχήν αυτού ένεκεν εμού, ευρήσει αυτήν.
26 τί γάρ ωφελείται άνθρωπος εάν τόν κόσμον όλον κερδήση, τήν δέ ψυχήν αυτού ζημιωθή; ή τί δώσει άνθρωπος αντάλλαγμα τής ψυχής αυτού;
27 μέλλει γάρ ο υιός τού ανθρώπου έρχεσθαι εν τή δόξη τού πατρός αυτού μετά τών αγγέλων αυτού, καί τότε αποδώσει εκάστω κατά τήν πράξιν αυτού.
28 αμήν λέγω υμίν, εισί τινες τών ώδε εστηκότων, οίτινες ου μή γεύσωνται θανάτου έως άν ίδωσι τόν υιόν τού ανθρώπου ερχόμενον εν τή βασιλεία αυτού.